Telehram staŭ błakavać kanały, jakija raspaŭsiudžvajuć asabistyja źviestki
Pra takoje rašeńnie Pavieł Duraŭ, stvaralnik papularnaha miesiendžara Telehram, raspavioŭ na svajoj staroncy.
Za apošnija tydni miesiendžar zabłakavaŭ niekalki kanałaŭ, jakija vykładvali ŭ publičny dostup telefonnyja numary i adrasy ŭdzielnikaŭ pratestaŭ u Rasii. Razam ź imi źjavilisia kanały, dzie publikujucca chatnija adrasy i telefonnyja numary sudździaŭ, prakuroraŭ, pravaachoŭnikaŭ, a taksama žurnalistaŭ i miedyjamieniedžaraŭ. U kamientarach da zapisaŭ hałoŭnaha padobnaha kanała źjavilisia pahrozy i abrazy.
«Padobnaje vykarystańnie Telegram prama supiarečyć našym praviłam, jakija zabaraniajuć publičnyja zakliki da hvałtu. Prymajučy pad uvahu emacyjny napał abstanoŭki ŭ Rasii, my staranna analizavali situacyju, nie žadajučy nanieści škodu paśpiešnym rašeńniem.
Adnak u suviazi z hetymi kanałami ŭžo bolš za tydzień nie vychodzić ekstrannaje abnaŭleńnie Telegram dla iOS: jano nie atrymlivaje adabreńnie Apple. U vyniku siońnia my pryniali rašeńnie zabłakavać prablemnyja kanały z asabistymi źviestkami», — havorycca ŭ zajavie.