Kamanda Pres-kłuba patrabuje vyzvalić zatrymanych kaleh
Kalehi zatrymanych 23 śniežnia miedyjamieniedžaraŭ i žurnalistaŭ zapisali videazvarot, u jakim zapatrabavali adnavić zakonnaść.
Zasnavalnica pres-kłuba Julija Słuckaja, finansavy dyrektar Siarhiej Alšeŭski, prahramny dyrektar Ała Šarko i apieratar Piotr Słucki zastajucca pad vartaj. Na hetym tydni minaŭ termin papiaredniaha źniavoleńnia, ale ŭsim im praciahnuli mieru strymańnia jašče na dva miesiacy.
Kalehi zatrymanych miedyjamieniedžaraŭ i žurnalistaŭ zapisali videazvarot, u jakim zapatrabavali adnavić zakonnaść.
«Ich abvinavačvajuć u padatkovym złačynstvie. Režym vykarystoŭvaje ekanamičny artykuł dla palityčnaha pieraśledu», adznačyli kalehi zatrymanych.