YouTube budzie aŭtamatyčna vyznačać tavary na videa
YouTube pačnie teściravać novuju funkcyju, z dapamohaj jakoj sacsietka aŭtamatyčna budzie vyznačać pradukty ź videa i składać ich śpis dla karystalnika.
Fota Depositphotos.com
YouTube imkniecca palehčyć karystalnikam pošuk praduktaŭ, jakija pakazvajucca ŭ videa. Novaja technałohija budzie ich identyfikavać i składać śpis, jaki dapamoža znajści bolš infarmacyi pra toj ci inšy pradukt.
Na videa źjavicca dadatkovy značok, jaki budzie pakazvać dadatkovyja źviestki pra tavary, inšyja videa, dzie jany taksama vykarystoŭvajucca, i spasyłki na internet-kramy, piša BBC.
Pakul što novaja technałohija vypraboŭvajecca tolki ŭ ZŠA, adnak ekśpierty adznačajuć, što takaja funkcyja moža vielmi mocna paŭpłyvać na rekłamnuju industryju.