Rumas nie znajšoŭ pracu ŭ Łondanie i ŭžo miesiac žyvie ŭ Kijevie. Doma ŭ Minsku byŭ vobšuk
Jak stała viadoma «Našaj Nivie», były premjer-ministr Biełarusi Siarhiej Rumas užo miesiac znachodzicca ŭ Kijevie.
Siarhiej Rumas, fota Siarhieja Hudzilina
Tudy jon pierabraŭsia ŭ suviazi z tym, što nie zmoh znajści prymalnaj raboty ŭ Łondanie, a asablivych źbieražeńniaŭ, kab žyć u adnym z samych darahich haradoŭ śvietu, u jaho nie było.
Pakul dakładna nieviadoma, kudy Rumas uładkavaŭsia ŭ Kijevie. Ale vyhladaje, što jechać pracavać u Maskvu jon aścierahajecca — niadaŭnaje pryznačeńnie ŭ Raśsielhasbank uzhadniałasia jašče vosieńniu 2020-ha.
Čytajcie: Ci pajedzie Rumas na rabotu ŭ Maskvu? Vyhladaje, što jašče nie viedaje sam
Da Rumasa prylataje jahonaja žonka Žanna, ale nie zastajecca ŭ Kijevie žyć — u Minsku jana suzasnavalnica i adnačasova doktar u adnym ź miedycynskich centraŭ.
Siabry Rumasa dahetul znachodziacca pad vartaj. U minskim domie Rumasaŭ, jak viadoma «Našaj Nivie», prachodziŭ pieratrus, siamja hetuju infarmacyju nie afišuje i nie kamientuje.