Viertalot NASA rychtujuć da pieršaha palotu na Marsie
Viertalot «Vynachodlivaść» (Ingenuity), jaki ŭ lutym prybyŭ na Mars razam z marsachodam «Nastojlivaść» (Perseverance), rychtujecca ździejśnić svoj pieršy palot na čyrvonaj płaniecie.
Fota The Guardian
Palot byŭ zapłanavany na paniadziełak, ale pieraškodzili techničnyja prablemy z rotaram. Druhaja sproba zapłanavanaja na sieradu, piša The Guardian.
Viertalot maje vyšyniu 50 sm i važyć 1,8 kh na Ziamli, ale praź mienšuju hravitacyju — usiaho tolki 680 h na Marsie. Pryłada maje dva rotary, jakija kruciacca ŭ supraćlehłych nakirunkach, kab zapuścić bieśpiłotnik, i dźvie kamiery dla fatahrafavańnia miascovaści.
Vyšynia pieršaha palotu, jaki budzie doŭžycca 20-30 siekund, budzie składać kala troch mietraŭ. U budučyni płanujecca padymać viertalot da piaci mietraŭ.
Praca viertalota raźličanaja na 31 dzień. Padčas palotaŭ na Marsie jon budzie rabić aerafotazdymku miascovaści vakoł marsachoda.