Pačaŭsia sud nad Aleham Korbanam, jaho zrabili zakrytym
U sudzie Maskoŭskaha rajona Minska pačaŭsia praces pa spravie lidara arhanizacyi «Alternatyva» Aleha Korbana. Aktyvist ad listapada 2020 hoda znachodzicca ŭ źniavoleńni.
Aleha sudziać pa č. 1 i 2 artykuła 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, ci aktyŭny ŭdzieł u ich». Korbanu moža pahražać da 3 hadoŭ źniavoleńnia.
Sudździa Małašanka padtrymała prośbu prakurora i zakryła sudovy praces. 21 krasavika na im dapytvali śviedak, toje samaje buduć rabić i na nastupny dzień. Najchutčej, što vyrak budzie vyniesieny na nastupnym tydni.
Aleh Korban užo šmat hadoŭ u demakratyčnym ruchu. Byŭ aktyvistam «Maładoha frontu» i AHP, potym stvaryŭ ułasnuju arhanizacyju.