ES čarhovy raz zaklikaŭ biełaruskija ŭłady spynić pieraśled žurnalistaŭ
Jeŭrasajuz zaklikaŭ biełaruskija ŭłady spynić pieraśled Tut.by i inšych niezaležnych žurnalistaŭ. Pra heta zajaviŭ pres-sakratar Jeŭrapiejskaj słužby zamiežnych dziejańniaŭ Pieter Stana.
U jaho zajavie zachady ŭ dačynieńni da TUT.BY, pryniatyja 18 traŭnia, nazvanyja «prajavaj kampanii represij i zastrašvańnia». Stana taksama pieraličvaje inšyja vypadki zatrymańnia žurnalistaŭ i pryciahnieńnia ich da administracyjnaj adkaznaści. Na jaho dumku, heta śviedčyć pra «poŭnaje pahardžańnie ŭładami Biełarusi svabodaj vykazvańnia mierkavańniaŭ».
«Pieraśled žurnalistaŭ pavinien być spynieny, i ŭsie zatrymanyja pavinny być nieadkładna vyzvalenyja, jak i ŭsie palityčnyja źniavolenyja», — zajaviŭ Stana.