Netflix źbirajecca raspracoŭvać ułasnyja videahulni
Stryminhavaja płatforma Netflix šukaje śpiecyjalistaŭ u śfiery hiejminhu, kab pačać vytvorčaść ułasnych videahulniaŭ. Pra heta piša Reuters sa spasyłkaj na krynicy.
Adznačajecca, što płatforma ciapier šukaje čałavieka, jaki b uznačaliŭ nahlad za jaje pašyreńniem u śfiery videahulniaŭ. Źviazana heta z rostam papularnaści hetaha siehmienta zabaŭ padčas pandemii.
Adzin z varyjantaŭ — stvareńnie servisu nakštałt Apple Arcade. Płanujecca, što ŭ hulniach nie budzie rekłamy.
Heta nie pieršyja sproby płatformy ŭvajści ŭ śfieru videahulniaŭ. Raniej jana ekśpierymientavała ź interaktyvam, u pryvatnaści ŭ svaim sieryjale «Čornaje lusterka», dzie hledačy mahli vybirać, što piersanaž budzie rabić dalej. Taksama byli stvorany hulni pa matyvach sieryjałaŭ «Vielmi dziŭnyja spravy» i «Papiarovy dom».