Ściapana Łatypava pieravieźli z balnicy ŭ SIZA-1
Palitviazień Ściapan Łatypaŭ bolš nie ŭ balnicy na Siamaški, kudy jaho ŭčora dastavili paśla sproby samahubstva. Pra heta Tut.by raspaviali svajaki palitviaźnia.
Padobna na toje, što jon znachodzicca ŭ SIZA №1 na Vaładarskaha. Tam dla jaho siońnia pryniali pieradaču.
Nahadajem, učora, 1 červienia, 41-hadovy Łatypaŭ pasprabavaŭ sabie pierarezać horła ŭ zale suda. Ministerstva achovy zdaroŭja apisvała jaho stan tak: «Pry pastupleńni byli vykanany ŭsie nieabchodnyja miedycynskija mierapryjemstvy, praviedziena apracoŭka rany. Na ciapierašni momant stan pacyjenta stabilny, situacyj, što pahražajuć žyćciu, niama. Pacyjent aprytomnieŭ paśla narkozu». Pradstaŭnik balnicy adznačaŭ u efiry dziaržtelekanała, što Łatypaŭ paśla apieracyi znachodziŭsia na ŠVŁ.