«Pierakručanaje razumieńnie svabody słova». U Mininfarmie asudzili adklučeńnie «Biełaruś 24» va Ukrainie
Ministerstva infarmacyi Biełarusi ličyć adklučeńnie tranślacyi telekanała «Biełaruś 24» va Ukrainie «biespadstaŭnym niedružalubnym žestam uładaŭ u dačynieńni da miedyja».
«Hetaje rašeńnie Nacyjanalnaj rady Ukrainy pa pytańniach telebačańnia i radyjoviaščańnia demanstruje pierakručanaje razumieńnie ŭkrainskim kiraŭnictvam svabody słova i źjaŭlajecca praciaham razhornutaj tam kampanii pa začystcy infarmacyjnaha pola Ukrainy ad niepažadanych ŚMI», — havorycca ŭ kamientary viedamstva.
Akramia taho, Mininfarm źviarnuŭ uvahu na «šmatlikija fakty cenzury, cisku na apazicyjnyja miedyja i raspravy nad imi va Ukrainie, a taksama na nieraskrytyja da hetaha času šmatlikija zabojstvy žurnalistaŭ, źviazanyja ź ich prafiesijnaj dziejnaściu».