DAI Minska ŭzmocnić kantrol za Bolt, Uber i Jandeks.Taksi
Prafiłaktyčnyja mierapryjemstvy projduć z 14 pa 23 červienia, paviedamiŭ tielehram-kanał minskaj milicyi.
Padvyšanaja ŭvaha budzie nadadziena vyjaŭleńniu niećviarozych kiroŭcaŭ i biaspraŭnikaŭ. Akramia taho, u pole zroku supracoŭnikaŭ darožnaj milicyi trapiać parušeńni chutkasnaha režymu, praviłaŭ manieŭravańnia i raźmiaščeńnia transpartnych srodkaŭ na prajeznaj častcy. Buduć rejdy z užyvańniem prychavanaha kantrolu z vykarystańniem videarehistrataraŭ i inšych srodkaŭ fota- i videafiksacyi.
Za piać miesiacaŭ hetaha hoda ŭ Minsku vyjaŭlena zvyš 600 parušeńniaŭ PDR z boku kiroŭcaŭ servisaŭ Bolt, Uber i Jandeks.Taksi, ź ich — vosiem faktaŭ kiravańnia transpartnymi srodkami ŭ stanie ałkaholnaha apjanieńnia, siem — biez pravoŭ. Pa vinie kiroŭcaŭ hetaj katehoryi adbyłosia siem DTZ, u jakich paciarpieli vosiem čałaviek.