Žurnalistcy Bi-bi-si, jakaja razzłavała Łukašenku pytańniem ab lehitymnaści, nie praciahnuli vizu ŭ Rasii
Karespandentu «Bi-bi-si» ŭ Maskvie Sary Rejnsford admovilisia padoŭžyć rasijskuju vizu, jana pavinna budzie pakinuć Rasiju da kanca žniŭnia. Pra heta zajavili ŭ efiry «Rasii 24».
Rašeńnie admović žurnalistcy ŭ padaŭžeńni vizy patłumačyli zvarotnym dziejańniem na dyskryminacyju rasijskich ŚMI ŭ Vialikabrytanii i admovy vydavać vizy rasijskim karespandentam.
Pytańnie Sary Rejnsfard — jana spytała pra lehitymnaść, pra 610 palitviaźniaŭ, a taksama paviedamiła pra novyja sankcyi z boku Brytanii — razzłavała Łukašenku.
«Ekanamičnyja sankcyi. Słuchajcie, vy niby nie amierykanka, a pryvodzicie prykład, što siońnia ekanamičnyja sankcyi chto ŭviadzie? Vialikabrytanija? Vialikabrytanija! Haspodź z vami! Dy padušyciesia vy hetymi sankcyjami ŭ Vialikabrytanii! My tysiaču hadoŭ nie viedali hetaj Vialikabrytanii i viedać nie chočam! Vy prychvaśni amierykanskija!» — zreahavaŭ Łukašenka.
Zatym za žurnalistku nakinulisia Prydybajła i Azaronak.