Biełapanaŭcaŭ Irynu Leŭšynu i Dźmitryja Navažyłava pieraviali ŭ SIZA na Vaładarskaha
Dyrektarku i hałoŭnuju redaktarku BiełaPAN Irynu Leŭšynu i byłoha dyrektara ahienctva Dźmitryja Navažyłava pieraviali ź IČU na Akreścina ŭ SIZA na Vaładarskaha ŭ Minsku.
Žonka Navažyłava paviedamiła, što 28 žniŭnia ŭ «Vaładarcy» ŭ jaje pryniali pieradaču dla muža. Dačka Leŭšynaj miarkuje, što jaje maci taksama znachodzicca na Vaładarskaha, bo skončylisia 10 dzion, paśla čaho Navažyłavu i Leŭšynaj pavinny byli abrać mieru strymańnia abo vyzvalić, paviedamlaje @euroradio.
Leŭšyna i Navažyłaŭ byli zatrymanyja 18 žniŭnia. Taksama 18 žniŭnia była zatrymanaja buchhałtarka BiełaPAN Kaciaryna Bojeva. Ranicaj 28 žniŭnia jaje vypuścili na volu pad abaviazalnictva pra jaŭku.