Biełapanaŭcam Leŭšynaj i Navažyłavu vystavili abvinavačvańni
Dyrektaru i hałoŭnamu redaktaru BiełaPAN Irynie Leŭšynaj, a taksama byłomu dyrektaru kampanii Dźmitryju Navažyłavu vystavili abvinavačvańni.
Abvinavačvańnie pa č. 2 art. 243 KK abodvum vystavili jašče na minułym tydni. Miera strymańnia ŭ vyhladzie zaklučeńnia pad vartu abranaja na dva miesiacy z momantu zatrymańnia, paviedamiła BiełaPAN infarmavanaja krynica.
Leŭšynu i Navažyłava zatrymali 18 žniŭnia jak padazravanych pavodle art. 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
27 žniŭnia SK paviedamiŭ, što ich taksama padazrajuć u ździajśnieńni złačynstva pa č. 2 art. 243 KK (Uchileńnie ad vypłaty padatkaŭ, što paciahnuła pryčynieńnie škody ŭ bujnym pamiery — «zvyš 100 tysiač rubloŭ»).