Hrodzienskamu błohieru paśla 25 sutak prysudzili jašče 15
Stała viadoma, što hrodzienskaha błohiera Vadimati (Vadzima Jermašuka) asudzili jašče na 15 sutak. Da hetaha, 19 žniŭnia, u Ščučynie jamu prysudzili 25 sutak administracyjnaha aryštu pa art. 24.23 KaAP (Parušeńnie paradku arhanizacyi abo praviadzieńnia masavych mierapryjemstvaŭ).
Pryčynaj novaha pratakoła na błohiera staŭ nibyta jaho zvanok 13 žniŭnia ŭ słužbu 115 i niecenzurnyja vykazvańni pra ŽKH i harvykankam.
Sud pačaŭsia 8 vieraśnia. Pasiadžeńnie prachodziła pa videasuviazi. Dva dni zapar u sudzie abviaščali pierapynki praz drennaje samaadčuvańnie Vadzima: u jaho byŭ vysoki cisk, tempieratura, napiaredadni jamu vyklikali chutkuju.