Biznesmiena z top-200 samych upłyvovych u krainie asudzili na 2,5 hoda chatniaj chimii i zabaranili 5 hadoŭ zajmacca pradprymalnictvam
Inviestara Valeryja Astrynskaha, jaki ŭvachodzić u top-200 paśpiachovych i ŭpłyvovych biznesmienaŭ, asudzili na 2,5 hoda «chatniaj chimii» za «padatkovaje machlarstva» i zabaranili na 5 hadoŭ zajmacca pradprymalnickaj dziejnaściu.
«Nielha zajmacca pradprymalnictvam i płacić padatki, ale možna ž zajmacca hramadska-sacyjalnymi prajektami, naprykład, stvaryć partyju kryminalnikaŭ, i dumaju, što ŭ jaje jość šaniec stać samaj šmatlikaj u našaj dziŭnaj krainie», — kamientuje prysud Astrynski.
Valeryj Astrynski — inviestar, biznes-anioł, suzasnavalnik abjadnańnia Angels BAND, uvachodzić u top-200 paśpiachovych i ŭpłyvovych biznesmienaŭ Biełarusi, pavodle vydańnia «Ježiednievnik».
16 studzienia Valeryja Astrynskaha zatrymali ŭ vioscy Barova ŭ Iŭjeŭskim rajonie. Padstavaj dla hetaha staŭ vyviešany bieł-čyrvona-bieły ściah z «Pahoniaj» na chutary.