U Twitter źjaviłasia novaja funkcyja — ciapier možna danacić lubimym aŭtaram
Sacyjalnaja sietka Twitter zrabiła dastupnaj dla ŭsich karystalnikaŭ funkcyju, jakaja dazvolić uznaharodžvać lubimych błohieraŭ servisu hrašovym srodkami, u tym liku bitkojnami. Ab hetym paviedamlajecca ŭ čaćvier u błohu sacsietki.
«Naša funkcyja finansavaj padtrymki — ciapier jana nazyvajecca Tips («Uznaharodžańni») — dastupnaja dla ŭsich i z dadatkovymi opcyjami vypłat, jakija možna vybrać, uklučajučy navat [apłatu] kryptavalutaj», — havorycca ŭ paviedamleńni ad prodakt-mieniedžara Ister Kroŭfard.
Pakul funkcyja budzie pracavać na pryładach z apieracyjnaj sistemaj iOS, u najbližejšyja tydni joj zmohuć skarystacca i ŭładalniki Android. Adznačajecca, što Twitter nie biare za heta kamisiju. Kab adpravić aŭtaram srodki, treba nacisnuć śpiecyjalny značok źleva ad knopki «Čytać», paśla čaho sacsietka prapanuje vybrać servis, praź jaki budzie pravodzicca apłata. Atrymlivać i adpraŭlać uznaharodžańni mohuć tyja, chto dasiahnuŭ 18 hadoŭ.