DAI: Efiektyŭnyja tolki biełyja i limonnyja flikiery, astatnija — nie
Dziaržaŭtainśpiekcyja Minska ŭ svaim telehram-kanale dała niekalki parad pa vykarystańni flikieraŭ. Akurat u hetyja dni noč zraŭniałasia z dniom, i ciomny čas sutak budzie tolki pavialičvacca.
DAI, siarod inšaha, raić prymacoŭvać flikier (ci śviatłoadbivalnuju stužku) tak, kab było bačna z usich bakoŭ.
Śviatłoadbivalnuju stužku zaviazvać treba na rukavie abo štanach, a padviesku — prymacoŭvać špilkaj da adzieńnia.
Lepš za ŭsio vykarystoŭvać adnačasova dva ci bolš śviatłoadbivalnikaŭ — z pravaha i ź levaha boku.
Śviatłoadbivalnyja elemienty tolki dvuch koleraŭ — biełaha i limonnaha — prachodziać siertyfikacyju i adpaviadajuć usim patrabavańniam.
Čyrvonyja, sinija, zialonyja flikiery małaefiektyŭnyja, padkreślivajuć u DAI.