Piaskoŭ: Łukašenka i Pucin nieadnarazova abmiarkoŭvali pašyreńnie NATA va Ukrainu
«Tema patencyjnaha pašyreńnia vajskovaj infrastruktury NATO na terytoryju Ukrainy nieadnarazova zhadvałasia prezidentam Pucinym», — skazaŭ pradstaŭnik Kramla, kamientujučy zajavu Łukašenki ab abmierkavańni pašyreńnia NATA na pieramovach z Pucinym.
Adkazvajučy na pytańnie, jakija mohuć być miery ŭ adkaz Rasii i Biełarusi na pašyreńnie NATA, Piaskoŭ adznačyŭ, što heta buduć «dziejańni pa biaśpiecy dźviuch dziaržaŭ».
Pucin kazaŭ na pieramovach z Łukašenkam, što pašyreńnie infrastruktury NATA na terytoryju Ukrainy aznačaje dla Maskvy pierasiačeńnie čyrvonych linij. «Prezident Pucin kazaŭ, što heta znachodzicca pa-za miežami tych samych čyrvonych linij, ab jakich jon nieadnarazova kazaŭ raniej», — skazaŭ pradstaŭnik Kramla.