70 miljonaŭ karystalnikaŭ pryjšli ŭ Telegram paśla zboju ŭ Facebook
U paniadziełak u miesiendžary Telegram byŭ zafiksavany rekordny rost kolkaści novych zarehistravanych karystalnikaŭ, paviedamiŭ zasnavalnik kampanii Pavieł Duraŭ u svaim kanale. U hety dzień Facebook, Instagram i WhatsApp na niekalki hadzin stali niedastupnymi pa ŭsim śviecie.
«Štodzionny temp pryrostu [kolkaści novych karystalnikaŭ] Telegram u razy pieravysiŭ normu, i za adzin dzień my pryniali bolš za 70 młn biežancaŭ ź inšych płatform», — napisaŭ Duraŭ.
Ale z-za takoha napłyvu niekatoryja karystalniki ŭ Amierycy mahli sutyknucca z tym, što miesiendžar pracuje pavolniej, čym zvyčajna, dadaŭ jon.