U Jehipcie skarpijony pakusali bolš za 500 čałaviek
U Jehipcie ŭ pravincyi Asuan z-za ŭkusaŭ skarpijonaŭ paciarpieli bolš za 500 čałaviek za sutki. Pra heta paviedamiŭ v. a. ministra achovy zdaroŭja Chaled Abd al-Hafar.
Shutterstock
«503 čałavieki ŭ Asuanie atrymali procijadździe ad ukusaŭ skarpijonaŭ… Zahinułych ad ukusaŭ niama», — raspaviali ŭ Ministerstvie achovy zdaroŭja.
Tam dadali, što skarpijony pakusali ludziej, bo praz zalevu ich nory byli paškodžanyja, i žyvioły apynulisia pablizu žyłych damoŭ.
Pa słovach ministra Chaleda Abd al-Hafa, va ŭsich balnicach Jehipta dastatkova zapasu procijadździaŭ ad ukusu skarpijonaŭ — u pravincyi Asuan na składzie jość 3350 doz.
Našeście žyvioł adbyłosia praz zalevy na poŭdni Jehipta i hradu, jaki redka sustrakajecca na hetaj terytoryi. Z-za nadvorja byli razburanyja piać damoŭ.