Łukašenka: U nas užo jość S-400
Alaksandr Łukašenka paviedamiŭ, što ŭ Biełarusi ŭ navučalnym centry ŭžo jość S-400. Pra heta jon raskazaŭ u intervju rasijskamu teleprapahandystu Dźmitryju Kisialovu.
«Stvaryli centr, navučajem. Rasija pastaviła ŭ hety centr S-400. My pavinny jaho bačyć, vyvučać. Užo idzie vučoba, treniroŭki i hetak dalej», — zajaviŭ jon.
Adkazvajučy na ŭdakładniajučaje pytańnie, jon zajaviŭ, što heta nie niejkaja navučalnaja madel, a mienavita bajazdolnaja technika.
«Heta značyć, S-400 ciapier u Biełarusi jość?» — pierapytaŭ Dźmitryj Kisialoŭ.
«Tak, my ŭ hetym navučalnym centry navučajem našych chłopcaŭ. Voś ja chaču paprasić prezidenta, kab hety kompleks i zastaŭsia tut», — zajaviŭ Alaksandr Łukašenka.
U intervju jon taksama zajaviŭ, što Biełarusi dla efiektyŭnaj abarony ad rakietnaha napadu patrebnyja kompleksy S-400 i S-500.