Vice-premjer Snapkoŭ: Prapracoŭvajecca stabilizacyjnaja prahrama z vydzialeńniem Rasijaj kredytu pamieram $3,5 młrd
Na naradzie ŭ Łukašenki vice-premjer Snapkoŭ zajaviŭ, što ŭviedzienyja Zachadam sankcyi subjektyŭnyja i biespryncypnyja, ale situacyja dalokaja ad krytyčnaj.
«Adčuvalnym faktaram źjaŭlajecca ŭviedzienaja ZŠA sankcyja suprać biełaruskaha dziarždoŭhu. Heta pramaja ryzyka mahčymaści jaho refinansavańnia.
<…> U prapracoŭcy zaklučeńnie stabilizacyjnaj prahramy ź Jeŭrazijskim fondam stabilizacyi i raźvićcia z vyłučeńniem dziaržaŭnaha kredytu Rasijaj. Ahulnaja suma zapytanych srodkaŭ — $3,5 młrd, što dazvolić kampiensavać vypadajučyja jeŭropiejskija hrošy pa refinansavańni doŭhu», — skazaŭ Snapkoŭ.
Taksama vice-premjer nazvaŭ try kanały ŭździejańnia sankcyj: finansavaja śfiera, ekspart pradukci i impart technałohij.
U finsiektary ryzyki kancentrujucca ŭ mahčymaści zabiaśpiečyć raźliki pradpryjemstvaŭ i ŭ pryciahnieńni źniešniaha finansavańnia.