Zapiakanka z šakaładam i kiebab: što źjaviłasia ŭ školnym mieniu paśla kanikuł
Z 10 studzienia ŭ školnaje mieniu stalicy dadaducca novyja stravy.
Kiebab «Apietytny»
Pra heta raspaviała dyrektar Kambinata školnaha charčavańnia Nadzieja Łukaševič, pišuć Minsk-Naviny.
Navinki ŭ mieniu źjaŭlajucca kožnuju čverć, kab školnaja ježa była raznastajnaj, kaža Łukaševič.
Šašłyk «Aramatny»
— U treciaj čverci, dzieci pakaštujuć kiebab «Apietytny». Heta katleta z dvuch vidaŭ miasa — śvininy i ptuški. Padajecca na draŭlanaj špažcy, i dzieciam takoje afarmleńnie vielmi padabajecca. Akramia taho, prapanujem školnikam pakaštavać tvarožnuju zapiakanku z šakaładnaj prasłojkaj.
Mnohija novyja stravy zastajucca ŭ mieniu, kali jany padabajucca bolšaści dziaciej. Naprykład, u druhoj čverci dzieciam prapanoŭvali pierapialinyja jajki i šašłyčok ź indyčki — jak raspaviadaje dyrektar KŠP, školniki ich acanili.