Bajden, Džonsan i lidary krain ES abmierkavali biesprecedentny pakiet sankcyj suprać Rasii
Prezident ZŠA Džo Bajden, premjer-ministr Vialikabrytanii Borys Džonsan, a taksama lidary šerahu jeŭrapiejskich krain abmierkavali raźvićcio situacyi vakoł Ukrainy, u tym liku sankcyjnyja zachady suprać Rasii na vypadak eskałacyi kanfliktu. Pra heta paviedamlaje The Mirror.
Fota Getty Images
Palityki ŭ režymie anłajn abmierkavali namahańni ŭ strymlivańni «rasijskaj ahresii», u tym liku šlacham padrychtoŭki surjoznych ekanamičnych sankcyj dla Maskvy i ŭmacavańnia abarony ŭschodniaha fłanha NATO.
Pa vynikach sustrečy było vyrašana, što ŭ vypadku ŭvarvańnia va Ukrainu suprać Rasii nieabchodna ŭvieści «biesprecedentny pakiet sankcyj».
Pry hetym lidary padkreślili, što dypłamatyčnyja pieramovy źjaŭlajucca pieršačarhovaj zadačaj.
«Jany taksama pahadzilisia z tym, što mižnarodnaja supolnaść nie pavinna tryvać nijakich dziejańniaŭ, jakija padryvajuć suvierenitet Ukrainy», — dadali ŭ pres-słužbie brytanskaha premjera.