«NN» sto hadoŭ z vami
Z cyklu «Staraja spadčyna». Sanet
A.Ł.Pahodzinu
- Pamiž piaskoŭ Ehipieckaj ziamli
Nad chvalami siniejučaha Niła
Ŭžo kolki tysiač hod staić mahiła:
Ŭ harščku nasieńnia žmieniu tam znajšli.
Choć zierniejki zasochšymi byli,
Ŭsio ž taki žyćciovaja ich siła
Zbudziłasia i bujna ŭskałasiła
Paroj viasieńniaj zbožža na ralli.
Voś symbal tvoj, zabyty kraju rodny!
Zvarušany narešcie duch narodny,
Ja vieruju, biaspłodna nie zaśnie,
A ŭpierad ryniecca, maŭlaŭ krynica,
Katoraja mahutna, hučna mknie,
Zdaleŭšy z hleby na prastor prabicca.
Maksim Bahdanovič, Jarasłaŭl
«NN», 1911, №25-26