Biełaruś nie atrymaje ad JEABR stolki, kolki prasiła
Biełaruś nie atrymaje ad Jeŭrazijskaha fondu stabilizacyi i raźvićcia zapytanyja 3,5 miljarda dalaraŭ. Jak zajaviŭ rasijski ministr finansaŭ Anton Siłuanaŭ, mahčymaści vydać takuju sumu ŭ fondu niama. Maskva hatovaja akazać Biełarusi mienšuju padtrymku.
Ministr finansaŭ Anton Siłuanaŭ i premjer Michaił Mišuścin. Fota vedomosti.ru
Taksama Rasija hatovaja razhledzieć prapanovy Biełarusi pa dapamozie ŭ refinansavańni źniešniaha doŭhu na fonie źniešnich ciažkaściaŭ, ź jakimi sutyknułasia kraina.
«My tut hatovyja razhladać prapanovy biełaruskich našych kaleh, partnioraŭ pa pytańniach dapamohi refinansavańnia daŭhavych abaviazacielstvaŭ pierad Rasijaj. U jakim farmacie heta budzie, ci častkova heta budzie praź Jeŭrazijski fond, ci heta buduć źniešnija dziaržkredyty — hetaje pytańnie my vyrašym», — skazaŭ Siłuanaŭ.
Jon rastłumačyŭ, što ŭ pieršuju čarhu havorka moža iści ab refinansavańni doŭhu prykładna ŭ $1 młrd u hod pierad RF i Jeŭrazijskim fondam stabilizacyi i raźvićcia.