Biełaruskuju asacyjacyju žurnalistaŭ vyłučyli na premiju JUNIESKA
46 krainaŭ — členaŭ JUNIESKA, u tym liku ŭsie 27 krainaŭ ES, padtrymali vyłučeńnie Biełaruskaj asacyjacyi žurnalistaŭ na Suśvietnuju premiju za svabodu presy imia Hiljerma Kana 2022
Pra heta paviedamiła delehacyja ES u ABSIE i JUNIESKA na svajoj staroncy ŭ tvitary.
Premija nazvana ŭ honar kalumbijskaha žurnalista Hiljerma Kana Isasa, zabitaha ŭ 1986 hodzie, i štohod prysudžajecca asobam ludziam i arhanizacyjam, jakija ŭnieśli vialiki ŭkład u spravu abarony i raźvićcia svabody słova ŭ roznych krainach śvietu, asabliva kali heta spałučana ź niebiaśpiekaj dla žyćcia.
Prysudžeńnie premii prymierkavanaje da Suśvietnaha dnia svabody druku, jaki adznačajecca 3 maja.
BAŽ (Biełaruskaja asacyjacyja žurnalistaŭ) — arhanizacyja, što jadnaje žurnalistaŭ niezaležnych ŚMI Biełarusi. BAŽ pieražyła dva pieratrusy ŭ 2021 hodzie, ofis byŭ apiačatany, a ŭ žniŭni 2021 hoda naohuł była likvidavana pavodle rašeńnia Viarchoŭnaha suda.
Zaraz za kratami znachodzicca try dziasiatki biełaruskich žurnalistaŭ.