Doktaru Uładzimiru Martavu dali 7 sutak aryštu za ściažok
Viciebskaha lekara Uładzimira Martava asudzili nibyta za «niepadparadkavańnie milicyi». Pra heta napisała ŭ Facebook žurnalistka Taćciana Maćviejeva sa spasyłkaj na žonku lekara Alenu Martavu.
Spravu Uładzimira Martava razhladali ŭ lepielskim sudzie. Sa słovaŭ Aleny Martavaj, parušeńniem pryznali toje, što na avatarcy ŭrača byŭ raźmieščany bieła-čyrvona-bieły ściažok.
«Taksama pytańni vyklikała niejkaja pieśnia, ci to raźmieščanaja Uładzimiram na jaho staroncy jak dopis, ci to zapisanaja na niejkim dysku, jaki ŭ jaho zabrali pry zatrymańni», — napisała Taciana Maćviejeva.
«Vinavatym siabie muž na sudzie nie pryznaŭ», — adznačyła Alena Martava.
Svajaki zdoleli pieradać Martavu leki, u jakich jon maje patrebu štodnia.
Nahadajem, što viciebskaha ŭrača Uładzimira Martava zatrymali viečaram 22 lutaha na jaho leciščy pad Lepielem.
@nashanivanews U Rasii zatrymali viadomaha biełaruskaha doktara Martava. Na radzimie ŭ Biełarusi jamu pahražaje turma biełaruś #łukašienko #novostibiełarusi #biełaruskajamova #biełorusy #miedicina #našaniva #biełaruśnovosti ♬ Horror, Fear, Mystery, Suspense, Criminal, Terror, Halloween, Movie, Soundtrack, OST, TV Game, Creepy(1323087) - SAKUMAMATATA