Palitźniavolenaha Mikitu Jemialjanava asudzili da dvuch hadoŭ kałonii za «złosnaje niepadparadkavańnie administracyi papraŭčaj ustanovy»
Anarchista Mikitu Jemialjanava asudzili na dva hady pazbaŭleńnia voli pa č. 2 art. 411 Kryminalnaha kodeksa, a kančatkova pryznačyli pakarańnie pa sukupnaści prysudaŭ šlacham poŭnaha składańnia z raniej nieadbytym pakarańniem ŭ vyhladzie troch z pałovaj hadoŭ kałonii z adbyvańniem va ŭmovach uzmocniennaha režymu, paviedamlajuć pravaabaroncy.
Mienavita taki termin zaprasiŭ prakuror. Spravu razhladała sudździa Aksana Ratnikava.
Mikita Jemialjanaŭ — aktyvist anarchisckaha ruchu, asudžany 12 lutaha 2020 hoda sudom Savieckaha rajona h. Minska da 7 hadoŭ pazbaŭleńnia voli ŭ kałonii ŭzmocnienaha režymu.
27 sakavika Minharsud pa apielacyjnaj skarzie źmienšyŭ termin Mikitu — da 4 hadoŭ kałonii ŭzmocnienaha režymu.
A z 9 červienia 2020 hoda jon byŭ pieraviedzieny na strohi turemny režym u Mahiloŭskuju turmu №4.
Biełaruskaja pravaabarončaja supolnaść pryznała Mikitu Jemialjanava palityčnym źniavolenym i vystupiła z patrabavańniem nieadkładnaha pierahladu jaho prysudu.