U Ńju-Jorku biełarusy adkryli biusty Tadevušu Kaściušku i Kastusiu Kalinoŭskamu
Biusty biełaruskich hierojaŭ adlili va Ukrainie pavodle prajektu biełaruskaha skulptara Hienika Łojki, piša «Radyjo Svaboda».
Fota: fejsbuk
26 sakavika kala budynka carkvy Śviatoha Kiryły Turaŭskaha na 401 Atłantyk-Aveniu ŭ Bruklinie adbyłosia ŭračystaje adkryćcio biustaŭ vialikim biełaruskim dziejačam — nacyjanalnamu hieroju Biełarusi, ZŠA i Polščy Tadevušu Kaściušku i nacyjanalnamu hieroju Biełarusi — Kastusiu Kalinoŭskamu.
Narodžany na terytoryi sučasnaj Biełarusi Andrej Tadevuš Banaventura Kaściuška braŭ aktyŭny ŭdzieł u vajnie za niezaležnaść ZŠA (1775 — 1783 hady). Pa viartańni na Radzimu ŭznačaliŭ u 1794 hodzie vyzvalenčaje paŭstańnie narodaŭ Rečy Paspalitaj suprać Rasiejskaj impieryi.
Kastuś Kalinoŭski ŭznačaliŭ vyzvalenčaje paŭstańnie suprać impierskaj Rasiei ŭ 1863 — 1864 hh.