Japonija ŭpieršyniu za 19 hadoŭ nazvała Kuryły «niezakonna akupavanymi»
MZS Japonii nie vykarystoŭvaŭ farmuloŭku pra «akupacyju» Paŭdniovych Kurył z 2003 hoda, ale vyrašyŭ viarnucca da jaje na fonie rasijskaj vajennaj apieracyi va Ukrainie
Fota: ria.ru
Ministerstva zamiežnych spraŭ Japonii ŭ «Siniaj knizie dypłamatyi» ŭpieršyniu za 19 hadoŭ paznačyła «paŭnočnyja terytoryi» (tak Tokia nazyvaje Paŭdniovyja Kuryły) jak «akupavanyja», paviedamlaje telekanał NHK.
«Siniaja kniha» publikujecca štohod z 1957-ha, jaje abnoŭlenaja viersija była pradstaŭlenaja 22 krasavika na pasiadžeńni Kabinieta ministraŭ.
Japonskaje MZS asudziła rasijskaje ŭvarvańnie va Ukrainu i zajaviła, što na hetym fonie składana kazać pra pierśpiektyvy pieramovaŭ z Rasijaj nakont zaklučeńnia mirnaha dahavora. U dakładzie viedamstva havorycca, što «paŭnočnyja terytoryi — nieadjemnaja častka Japonii, ale ŭ ciapierašni čas niezakonna akupavanaja Rasijaj».