«Tapas» zdaŭ u ekspłuatacyju apošniuju siekcyju šmatpakutnaha ŽK «Miehapolis»
Abviestka pra heta źjaviłasia na sajcie zabudoŭnika.
Budaŭnictva čaćviortaj siekcyi žyłoha kompleksu «Miehapolis» «Tapas» raspačaŭ jašče ŭ 2017 hodzie, adnak dom nie byŭ zdadzieny ŭ 2020 hodzie, jak abiacałasia. Paśla termin zdačy budynka na ŭjeździe ŭ Minsk z boku Bieraścia pierasoŭvaŭsia jašče i jašče. Zabudoŭnik tłumačyŭ heta prajektnymi, dolščyki — finansavymi prablemami.
I voś na sajcie «Tapasa» źjaviłasia infarmacyja, što 21 krasavika šmatpaviarchovik zdadzieny ŭ ekspłuatacyju.
Hety hmach u Brylevičach zajmaje 20 hiektaraŭ i raźličany na pražyvańnie 10 tysiač čałaviek — bolš, čym mnohija rajcentry.