Volhu Brycikavu asudzili ŭžo piaty raz zapar, jana budzie siadzieć jak minimum 75 sutak
Siońnia ŭ sudzie Navapołacka piaty raz zapar asudzili staršyniu niezaležnaha prafsajuza «Naftan» Volhu Brycikavu, jakuju zatrymali jašče 27 lutaha. Spravu razhladała sumnaviadomaja miascovaja sudździa Zinaida Bałabołava, piša «Viasna».
Piaty pratakoł na Volhu znoŭ skłali pa art. 24.23 KaAP (niesankcyjanavanaje pikietavańnie). Papiarednija čatyry pratakoły suprać aktyvistki byli za antyvajennyja akcyi pratestu.
Brycikavu pryznali vinavataj i znoŭ pakarali 15-sutačnym aryštam. Jaje ŭtrymlivajuć u časovym izalatary horada Ušačy.
Volha Brycikava — staršynia niezaležnaha prafsajuza «Naftan». U žniŭni 2020 hoda jana publična vykazała patrabavańni supracoŭnikaŭ «Naftana», a ŭ pieršyja dni vajny zapisała videazvarot, u jakim vykazałasia suprać napadu Rasii na Ukrainu.