Z-za krataŭ vyjšaŭ Hleb Ficnier — pieršy z 12-ci asudžanych pa «spravie studentaŭ»
Chłopiec całkam adbyŭ pakarańnie — 2 hady kałonii ahulnaha režymu.
Nahadajem, što 12 čałaviek (10 studentaŭ, vykładčycu Volhu Fiłatčankavu, a taksama pradstaŭnicu Śviatłany Cichanoŭskaj pa spravach moładzi Ałanu Hiebremaryjam) zatrymali 12 listapada 2020 hoda. Praces potym atrymaŭ nazvu «sprava studentaŭ».
Usich abvinavačvali pa č. 1 art. 342 KK (arhanizacyja ci padrychtoŭka dziejańniaŭ, što hruba parušajuć hramadski paradak, abo ŭdzieł u ich).
U vyniku Ksieniju Syramałot, Jahora Kanieckaha, Taćcianu Jakielčyk, Illu Trachtenbierha, Janu Arabiejku, Kasiu Budźko, Viktoryju Hrankoŭskuju, Anastasiju Bułybienka, Maryju Kalenik, Volhu Fiłatčankovu i Ałanu Hiebremaryjam asudzili na dva hady z pałovaj hady kałonii, a Hlebu Ficnieru, adzinamu, chto pryznaŭ vinu, dali 2 hady źniavoleńnia.
U termin zaličyŭsia čas, praviedzieny ŭ SIZA (adzin dzień kałonii — paŭtara dni ŭ SIZA).