U Źmitra i Nasty Daškievičaŭ siońnia naradziŭsia syn, čaćviortaje dzicia
Pra naradžeńnie syna paviedamiła Nasta Daškievič u svaim Fejsbuku.
«Siońnia ŭ 6.50 ranicy ŭ nas naradziŭsia syn. Poŭnaje imia jaho budzie — Daniił. Jak chacieŭ tata. A skaročanaje — Nił. Jak chacieła mama. Małyš krychu paśpiašaŭsia źjavicca na śviet i zaraz im niejki čas buduć apiekavacca daktary. A ja prychodžu ŭ siabie paśla apieracyi», — napisała Nasta.
Hetaje dzicia dla siamji Daškievičaŭ — čaćviortaje.
Źmicier Daškievič ciapier — palitviazień. U siaredzinie sakavika 2022-ha jaho razam z Nastaj vyklikali na dopyt, a napiaredadni Dnia Voli asudzili na 15 sutak. Z taho času jon za kratami: Daškieviča zrabili padazravanym pa «narodnym» 342 artykule KK («Arhanizacyja i padrychtoŭka dziejańniaŭ, što hruba parušajuć hramadski paradak»). Jamu pahražaje da 4 hadoŭ kałonii.
Zaviedzienaja kryminałka pa tym ža artykule i na Nastu.