U Kosavie na miažy aryštavali rasijskuju žurnalistku — jaje padazrajuć u pracy na raźviedku
Ułady Kosava aryštavali na miažy rasijskuju žurnalistku Darju Asłamavu pavodle padazreńnia ŭ špijanažy na karyść Rasii. Pra heta paviedamiŭ ministr unutranych spraŭ krainy Dželal Šviečła, piša Reuters.
«Mnohija krainy dakazali, što jana zajmałasia špijanažam na karyść rasijskaj vajennaj raźviedki i dziejničała pad vyhladam žurnalistki. Jana taksama ŭdzielničała ŭ vajnie ŭ Ukrainie, raspaŭsiudžvajučy prapahandu ŭvarvańnia Rasii va Ukrainu», — napisaŭ ministr.
Šviečła skazaŭ, što ŭładam Kosava viadoma pra dziejnaść Asłamavaj i pra toje, što ŭ niekatorych krainach joj zabaronieny ŭjezd.
Jak paviedamiŭ Šviečła, sproba Asłamavaj prakraścisia ŭ Kosava supadaje z padziejami na poŭnačy krainy i dakazvaje rasijski śled i prapahandu, nakiravanyja na destabilizacyju ŭ Kosavie.
Šviečła apublikavaŭ u Facebook foty Asłamavaj ź ministram zamiežnych spraŭ Rasii Siarhiejem Łaŭrovym i ź siryjskim dyktataram Bašaram Asadam.