CVK Łukašenki nie naziraje za «refierendumami» na akupavanych Rasijaj ukrainskich terytoryjach. Prynamsi, aficyjna
CVK Biełarusi śćviardžaje, što jaje pradstaŭniki nibyta nie pracujuć naziralnikami padčas praviadzieńnia rasijskich «refierendumaŭ» na akupavanych terytoryjach Ukrainy, piša rasijskaje ahienctva Sputnik Biełaruś.
«Jakich-niebudź zapytaŭ dla mižnarodnaha nazirańnia ŭ inšych dziaržavach u apošni čas nie pastupała», — pryvodzić resurs zajavu pres-słužby kamisii.
Tak zvanyja «refierendumy» ab dałučeńni da Rasii pačali pravodzicca na akupavanych terytoryjach Ukrainy ŭčora.
Siarod inšaha ŭčastki adkrytyja i ŭ daŭno anieksavanym Sievastopali, dzie pracujuć 12 naziralnikaŭ ź inšych krain. Siarod ich jość i prynamsi adzin ź Biełarusi — staršynia Centralnaj rady NKA «Ruś maładaja», dyrektar Centra sučasnych sacyjalnych technałohij Siarhiej Łušč.