Na Kubie lehalizavali adnapołyja šluby
Na Kubie 25 vieraśnia prajšoŭ usienarodny refierendum. Na im za novy Siamiejny kodeks prahałasavali 66,87% kubincaŭ. Pra heta paviedamlaje sajt administracyi prezidenta krainy.
Zhodna z pryniatym dakumientam, zakonnuju siłu ŭ krainie nabyvajuć adnapołyja šluby, taksama takija siemji atrymali prava na ŭsynaŭleńnie. Akramia taho, pravam na ŭsynaŭleńnie nadzialajucca adzinokija ludzi albo pary, jakija nie znachodziacca ŭ aficyjnych adnosinach.
Dadatkova novy kodeks dapuskaje surahatnaje maciarynstva, ale na biazvypłatnaj asnovie. Heta značyć, havorka pra situacyi, u jakich žančyna takim čynam žadaje akazać dapamohu siamiejnaj pary, u jakoj nie atrymlivajecca začać dzicia.