Kašmarnaja historyja ŭ Homieli: u kvatery raskłaŭsia trup čałavieka, i pach ad jaho susiedzi źnizu nie mohuć vyvieści
Samotny piensijanier pamior u siabie doma, i niejki čas jaho cieła pralažała ŭ kvatery. Susiedzi źnizu sprabujuć damahčysia dapamohi ad ŽEU, bo ad pachu znachodzicca ŭ kvatery niemahčyma, paviedamlajuć «Silnyje novosti».
U redakcyju «Silnych novostiej» źviarnułasia žycharka doma № 94 pa vulicy Kirava. Žančyna trapiła prosta ŭ kašmarnuju situacyju: u kvatery źvierchu pamior samotny 70-hadovy piensijanier, trup jakoha niejki čas pralažaŭ u kvatery.
Sa słoŭ žančyny, vadkaść ź jahonych pareštkaŭ u niejki momant stała ściakać pa stoli i ścienach jaje kvatery.
«U našaj kvatery ciapier nievynosny smurod. Pryjšłosia demantavać arku i dekaratyŭny kamień, pa jakim kroŭ ściakała z stoli. Jak my ni myli kvateru, ad pachu pazbavicca nie ŭdałosia», — kaža žančyna.
Hamialčanka źviartałasia ŭ miascovaje ŽEU, ale tam, pa jaje słovach, admovilisia niešta rabić.