U Minzdaroŭja rastłumačyli, čamu nie chapaje lekaraŭ
U Ministerstvie achovy zdaroŭja paviedamili, što ŭ Biełarusi aktyŭna raźvivajecca i ŭkaraniajecca vysokatechnałahičnaja mieddapamoha ŭ rehijonach, adkryvajucca novyja balnicy i palikliniki, stvarajucca mižrajonnyja centry śpiecmieddapamohi. Tamu, maŭlaŭ, i pavialičvajecca zapatrabavanaść u śpiecyjalistach.
U ministerstvie adznačyli, što za 5 hadoŭ kolkaść anhijohrafaŭ u krainie ŭzrasła z 35-ci da 46-ci, a MRT — z 42-ch da 70-ci. Kali raniej było 86 aparataŭ KT, to ciapier 132.
A ŭ budučyni taksama źjaviacca novyja ŭstanovy achovy zdaroŭja, jakija spatrebicca zapoŭnić miedycynskimi kadrami.
Pa źviestkach Ministerstva achovy zdaroŭja, siarod niezaniatych jość niapoŭnyja staŭki (0,5 i 0,25), uviadzieńnie jakich patrabujecca pa kolkaści nasielnictva, jakoje absłuhoŭvajecca, i abjomach akazvajemaj dapamohi.
Toje, što za apošnija hady šmat śpiecyjalistaŭ-miedykaŭ źjechała za miažu, u tym liku i ratujučysia ad represij, Minzdaroŭja pad uvahu nie biare.