La bierahoŭ Partuhalii vyjavili samuju ciažkuju kaściavuju rybu ŭ śviecie. Jana važyć amal try tony
La bierahoŭ Azorskich astravoŭ vyłavili tušu zahinułaj ryby-miesiaca vahoj 2744 kiłahrama — heta absalutny rekord dla kaściavych ryb. Jaje vyšynia — 3,5 mietra, a daŭžynia — 3,6. Pra heta piša Live Science.
Marskija bijołahi ŭzvažyli rybu-miesiac z dapamohaj labiodki i pramysłovych vahaŭ, a zatym razrezali, uziaŭšy ŭzory DNK i źmieściva straŭnika.
Papiaredni rekord naležaŭ rybie-miesiacu vahoj 2300 kiłahramaŭ, jakuju ŭ 1996 hodzie vyłavili la bierahoŭ Japonii.
Uvohule hetyja ryby — samyja ciažkija z sučasnych kaściavych. Zvyčajna jany važać kala dvuch ton.
Ryba-miesiac žyvie ŭ trapičnych i ŭmieranych vodach usich akijanaŭ. Ich dakładnaja kolkaść nieviadomaja. Uviesnu i ŭletku papulacyja na paŭnočnym zachadzie Atłantyki aceńvajecca ŭ 18 tysiač asobin.