AAC i KDB buduć sačyć za karystalnikami tych biełaruskich sajtaŭ, jakija vyznačać sami
Łukašenka padpisaŭ ukaz «Ab uzajemadziejańni apierataraŭ elektrasuviazi, pastaŭščykoŭ pasłuh elektrasuviazi i ŭładalnikaŭ interniet-resursaŭ z orhanami, jakija ažyćciaŭlajuć apieratyŭna-vyšukovuju dziejnaść». Jon pačnie dziejničać praz 3 miesiacy, źviartaje ŭvahu Reform.by.
Dakumient praduhledžvaje stvareńnie śpiecyjalnaj infarmacyjnaj sistemy elektronnaha ŭzajemadziejańnia sa śpiecsłužbami. U jakaści tych, chto moža sačyć za karystalnikami, vyznačanyja AAC i KDB. Raniej sačeńnie ŭ režymie anłajn viałosia tolki za karystalnikami apierataraŭ elektrasuviazi.
Pad kantrol trapiać nie ŭsie interniet-resursy, a tolki tyja, kaho sami vyznačać śpiecsłužby. Takija sajty musiać ciaham troch miesiacaŭ zarehistravacca ŭ Sistemie techničnych srodkaŭ dla zabieśpiačeńnia apieratyŭna-vyšukovych mierapryjemstvaŭ (SZVM) i naładzić svaje resursy dla bieśpieraškodnaha dostupu ŭ režymie anłajn.
U vypadku niedałučeńnia na SZVM, sajty mohuć błakavać.