Va Ukrainie SBU zatrymała Hieroja Ukrainy, adnaho z najbahaciejšych ludziej krainy
Dyrektara adnaho z najbujniejšych zaparožskich pradpryjemstvaŭ, 83-hadovaha miljaniera Viačasłava Bahusłajeva zatrymali siońnia siłaviki, piša miascovaje vydańnie «ZaBor» sa spasyłkaj na krynicy ŭ siłavych strukturach.
Fota: Vikipiedyja
Kiraŭnika praŭleńnia kampanii «Mator Sič» Viačasłava Bahusłajeva padazrajuć u dziaržzdradzie. Jamu pahražaje pažyćciovaje źniavoleńnie.
Pa infarmacyi vydańnia, Bahusłajeŭ daŭno viadomy svaimi prarasiejskimi pohladami. U jaho doma siońnia prajšli pieratrusy. Bahusłajeŭ admaŭlaŭsia adčyniać dźviery i ich uskryvali z dapamohaj śpiecabstalavańnia.
U 2000 hodzie Bahusłajevu prysvojena zvańnie «Hieroj Ukrainy» za vybitnyja zasłuhi pierad dziaržavaj u raźvićci mašynabudavańnia. U 2020 hodzie Bahusłajeŭ uvachodziŭ u top-100 samych bahatych ludziej Ukrainy.