U Minsku źjavilisia krutyja postary na temu ekałohii
Na vulicach Minska i ŭ padziemnych pierachodach pačali źjaŭlacca rekłamnyja postary «Ekałohika». Ich asnoŭny pasył — pytańnie enierhaźbieražeńnia i ekałahičnaści enierhii. Rekłama źjaviłasia z dapamohaj MHA «Ekapartniorstva» pad patranatam Departamienta pa enierhaefiektyŭnaści Dziaržkamiteta pa standartyzacyi, piša Citydog.
«Heta ideja prosta ŭlacieła ŭ maju hałavu za abiedam u kaviarni na minskaj Kastryčnickaj. Ale ž, pamiatajecie, ničoha nie byvaje niadkul. Kožnaja vykinutaja ŭ pravilny kantejnier płastykavaja butelka ci papiarovy pakunak — heta ŭžo cudoŭna! — raskazvaje adna z aŭtarak idei, ilustratarka Vola Kuźmič. — Vyklučanaja na čas čystki zuboŭ vada — jašče adzin plusik u dobryja spravy. I takich drabniutak, ale važnych i karysnych, šmat!»
