Žychara Ziabraŭki pad Homielem padazrajuć u «špijanažy» na karyść Ukrainy
Stała viadoma pra zatrymańnie žychara vioski Ziabraŭka Homielskaha rajona Jaŭhiena Hłuškova. Pavodle nieaficyjnaj infarmacyi, mužčynu padazrajuć u «špijanažy» na karyść Ukrainy, paviedamlaje «Štodzień».
Znajomyja, susiedzi zatrymanaha pierakananyja, što heta infarmacyja nie adpaviadaje rečaisnaści. Chłopiec pierad zatrymańniem pracavaŭ vieterynaram u adnoj z klinik Homiela, maje vyklučna stanoŭčyja charaktarystyki ad pracadaŭcaŭ.
Da pačatku rasijskaj ahresii ŭ dačynieńni da Ukrainy Jaŭhien žyŭ praciahły čas za miažoj. U apošnija hady — u Kitai, dzie zajmaŭsia muzykaj i płanavaŭ zastacca žyć. Ale praz epidemiju karanavirusa zastaŭsia biez krynic prybytkaŭ i byŭ vymušany viarnucca na radzimu.
Jaŭhien Hłuškoŭ znachodzicca ŭ homielskim SIZA №3.