Rasijski Śledčy kamitet pačaŭ pravierku vykazvańniaŭ byłoha hulca «Što? Dzie? Kali?»
Viadomy hulec-«znatok» intelektualnaj hulni «Što? Dzie? Kali?» Raŭšan Askieraŭ niadaŭna rezka vykazaŭsia ŭ adnym z ukrainskim Youtube-kanałaŭ pra rasijskich vajskoŭcaŭ, čym čarhovy raz źviarnuŭ na siabie ŭvahu Śledčaha kamiteta Rasii.
Kamientujučy vajennyja padziei, Raŭšan Askieraŭ skazaŭ:
«Adzinaje mahčymaje staŭleńnie da ich — heta zabivać ich. Zabivać, zabivać, zabivać rasijskich sałdat, zavalvać «hruzam 200» Rasiju roŭna dla taho, kab jany narešcie zrazumieli, kudy jany pryjšli, atrymali «po ŝam», zavyli i paviarnuli zbroju na Kreml».
Raniej Basmanny sud Maskvy zavočna aryštavaŭ Askierava pa spravie ab «reabilitacyi nacyzmu», paśla taho jak toj nazvaŭ maršała Hieorhija Žukava «maradzioram sa stažam» i «zabojcam u pahonach».
Raŭšan Askieraŭ uradženiec Azierbajdžana, ale hramadzianin Rasii. Jon pakinuŭ Maskvu adrazu paśla pačatku Rasijaj vajny z Ukrainaj i z toj pary rašuča krytykuje rasijskaje kiraŭnictva.