U Minskim zaaparku adzin šympanze navučyŭ malavać druhoha
U Minskim zaaparku praviali ekśpierymient, u vyniku jakoha adna małpa navučyła inšuju malavać. Šympanze pa mianušcy Niura ŭžo ŭmieła heta rabić, pakolki raniej žyła ŭ siamji. A padsadzili da jaje małpu Dašu, jakaja vyrasła z baćkami ŭ zaaparku.
Spačatku Dašy i Niury dali ałoŭki i papieru. Daša raskidała listy pa kletcy, a z padoranych ałoŭkaŭ pasprabavała dastać hryfiel, kab źjeści jaho. Niura ž stała chavać svaje ałoŭki i papieru ad susiedki, kab pamalavać.
Spačatku Daša ŭvažliva nazirała za mastackimi praktykavańniami Niury, a praz čatyry dni ŭziałasia za ałovak i sama. Praŭda, spačatku, kali sproba nie ŭdałasia, Daša źjeła hryfiel i razarvała listki. Ale praz dva tydni jana zasvoiła navyk i stała malavać nie tolki na papiery, ale i na ścienach valjera.