U Rasii pravaabaroncam hoda pryznali staršyniu Śledčaha kamiteta
Staršynia Śledčaha kamiteta Rasii Alaksandr Bastrykin pieramoh u naminacyi «Pravaabarončaja dziejnaść» u ramkach premii «Juryst hoda — 2022», pišuć «Viedamaści».
«Heta sapraŭdy dla mianie vielmi vysokaja ŭznaharoda. Ja vam usim za heta dziakuju. Siońnia bolš za 700 supracoŭnikaŭ SK viadzie karpatlivuju pracu pa rasśledavańni złačynstvaŭ kryvavaha kijeŭskaha režymu», — skazaŭ Bastrykin na ŭručeńni 3 śniežnia.
Uznaharodu Bastrykinu ŭručyŭ namieśnik staršyni Rady biaśpieki Rasii Dźmitryj Miadźviedzieŭ.