Wildberries aštrafavali za płatnaje viartańnie tavaru
Sud Frunzienskaha rajona Minska vynies rašeńnie ab nakładańni štrafu na internet-kramu Wildberries za płatnaje viartańnie tavaru. Rašeńnie było prahnazavanaje, bo ŭ sud na kampaniju padało samo Ministerstva antymanapolnaha rehulavańnia i handlu (MARH).
Sudovyja pasiadžeńni prajšli 16 i 17 studzienia, pa vynikach jakich kampanii vypisali dva štrafy — u 9 i 10 bazavych vieličyń (333 i 370 rubloŭ).
«U adpaviednaści z rašeńniami suda Frunzienskaha rajona Minska na słužbovuju asobu internet-kramy Wildberries nakładzienyja štrafy ŭ pamiery dzieviaci i dziesiaci bazavych vieličyń (1 BV — Br37)», — raskazali ŭ MARH.
Raniej Wildberries užo ŭvodziŭ płatnaje viartańnie tavaru, ale admianiŭ jaho ŭ vieraśni pa patrabavańni MARH. U śniežni płata za viartańnie tavaru viarnułasia, a 14 studzienia internet-krama znoŭ zajaviła ab admienie płatnaha viartańnia.